පාසලේ නිල ඇඳුම

පාසලේ අනන්‍යතාවය, පිළිවෙල හා සාමුහිකත්වය ඔප්නංවන ප්‍රධාන අංගය නිළ ඇදුමයි. නිල ඇදුම භාවිතා කිරීමේදී පහත දැක්වෙන නීති රීති අනුගමනය කිරීම අනිවාර්ය වේ.

 

 

 

 

ගැහැණු ළමුන් 

• නියමිත පරිදි කර වැසෙන සේ කොළරය යොදා තිබිය යුතුය.
• එහි පළල පිටුපසට නැමූ විට අඟල් 1 1/2 ක් විය යුතුය.
• දැනට පවතින පරිදි රැලි 4ක් යොදා තිබිය යුතුය.
• සිටගත් විට ගවුමේ උස දණ හිස සම්පූර්ණයෙන් වැසෙන සේ විය යුතුය.
• ඉන නිවැරදි ස්ථානයේ පිහිටිය යුතු අතර දළ වශයෙන් අත දිග හැරිය විට අතේ ඉදිරි ආරය තෙක් විය යුතුය.
• ඉන පටිය අගල් 1, 1/2 ක් පළල විය යුතුය. එය පිටුපසින් ගවුමට සම්බන්ධ කොට ලිහිල්ව නොසිටන අයුරින් ටික් අල්ලා පියවීම කළ යුතුය. අතේ ඉදිරිපස නැමුම් දාරය ආසන්න වශයෙන් ඉන පටියේ මැද හා සමපාත විය යුතුය. ඉන පටිය ඉනේ වට ප්‍රමාණයට සරිලන දිගින් පමණක් විය යුතුය.
• ගවුමේ වාටියේ පළල ආසන්න වශයෙන් අගල් 2, 1/2 ක් විය යුතුය.
• ගවුමේ අත වැලමිටේ සිට අගල් 04 ක් පමණ ඉහළින් තිබිය යුතුය. අතේ වාටිය පිටතට නවා මැසීම නොකළ යුතුය. ගවුම් අතෙහි උරහිස මත රැලි නොතැබිය යුතුය අත් කට තදට නොතිබිය යුතුය.
• ආසන්න වශයෙන් අතේ වාටිය ඇගල් 3/4 ක් විය යුතුය.
• ටයි පටිය ගැට ගැසූ පසු ඉනේ සිට අඟල් 5 ක් පහළට එහි තුඩ පිහිටිය යුතුය. ටයි පටියේ ඉතිරි කොටස එහා මෙහා නොයන සේ කුඩා කටුවකින් යට පටියේ දිග කොටසට සවි කර තිබිය යුතුය.කුඩා කරාබු දෙකක් හැර වෙනත් ආභරණ පැළදීමට ඉඩ දෙනු නොලැබේ.